KAVAJË– Kryeministri Edi Rama ndodhet në Kavajë ku po zhvillon një takim elektoral me qytetarët e Kavajës dhe kryebashkiakun socialist të qytetit Redian Krali. Gjatë fjalës së tij para të pranishmëve me sa duket kreu i qeverisë pavarësisht se premtoi se kjo do të jetë një fushatë pa sharje nga ana e Partisë Socialiste duket se në Kavajë e ka harruar premtimin. Para të pranishmë Rama shënjestroi opozitën duke thënë se gjatë kohës që ata drejtonin qytetin bënë “Noc Rrokun”. Po ashtu kryesocialisti ka ndarë dhe disa “sekrete” ku ka treguar se e ka “rrahur” disa herë kreyebashkiakun por… me fjalë.
Biseda:
Edi Rama: Me çfarë llogjike mund të mendohet se vota për shtëpinë këtu, pastërtinë, biznesin mund të shkojë pa asnjë llogjikë tek 2 hije që nuk e duan Kavajën për ta bërë më të bukur. Nuk i duan Bashkitë për t’i bërë më të bukura se sa herë u ranë në dorë vetëm i shëmtuan dhe i dëgjeneruan. Ose ndryshe le të dalë njëri dhe të më tregojë një bashki. Të më thotë e ke gabim. Një! Të më thotë që në vitin 1994 e kemi pasur atë Bashkinë atje dhe shife ça kemi bo. Noc Rrokun! Asnjë. Asnjë gjë. Shiheni Shhkodrën çfarë fatkeqësie. Ne kemi të metat tona sa të duash, ta dini ju sa herë e rraf këtë unë.
Qytetarët: Joooo! Fitore Redi.
Edi Rama: Nuk ka nevojë jo, se ai që të rreh të do. E para nuk e rrah aq shumë sa thashë. E treta, e rrah po e rrah me fjalë në telefon se dua të rrijë edhe më shumë në këmbë. Të bëjë edhe më shumë punë. Të mos i rrëshqasi asnjë mi me mustaqe. Kur marr ankesa nga njerëzit, nuk mërzitem me njerëzit por me këta. Si t’ja bëjmë që më të mirë se ky nuk kemi këtu?
