VLORË– Një aksident i rëndë është regjistruar këtë të shtunë në aksin rrugor Vlorë-Kuç ku një makinë tip ‘Opel’, e cila drejtohej nga një 70-vjeçar i identifikuar me inicilaet K.H ka rënë në humnerë. 70-vjeçari dhe bashkëshortja e tij kanë mbetur të plagosur. Ata janë dërguar në spital dhe ndodhen nën kujdesin e mjekëve.
NJOFTIMI I POLICSË:
Sot, rreth orës 12:00, në aksin rrugor Vlorë-Kuç, shtetasi K. H., rreth 70 vjeç, duke drejtuar automjetin tip “Opel”, ka humbur kontrollin mbi drejtimin e mjetit dhe mjeti ka dalë nga rruga, duke rënë në një humnerë. Si pasoje e aksidentit ka ngelur i dëmtuar drejtuesi i automjetit dhe pasagjerja, shtetasja E. H., rreth 65 vjeçe, të cilët u transportuan në spital, për ndihmë mjekësore. Në vendngjarje ndodhet grupi hetimor, i cili po kryen veprimet e mëtejshme në lidhje me zbardhjen e rrethanave të aksidentit.
