TIRANË– Kryetari i Partisë së Lirisë Ilir Meta ka mbajtur fjalën para të pranishmëve në stadiumin “Air Albania” ku po mbahet hapja e fushatës elektorale e koalicionit “Bashkë Fitojmë” për zgjedhjet vendore të 14 majit. Gjatë fjaëls së tij Meta u shpreh se sot është koha të vrapojmë për ti dhënë fund pushtit monist. Sipas Metës kandiidatët e propozuar nga Partia Socialiste për kryebashkiakë dhe anëtarë të Këshillave Bashkiakë nuk janë në garë për ti shërbyer qytetarëve por për ti bërë shërbimin e fundit pushtetit të kryeministrit Edi Rama.
Ilir Meta: Është koha të vrapojmë. Edhe 29 ditë për ti dhënë fund monizmit absolut në pushtetin vendor. Shpesh pyes veten, më në fund pas 4 vitesh do të shkallmojmë pikërisht atë që askush nuk e mendonte dhe imagjinonte ndonjëherë në Shqipëri. Që ky vend anëtar i NATO-s, që ky vend 100% pro europian të jetë një vend ku në mënyrë të paligjshme, një klikë kontrollon në mënyrë absolute të gjithë pushtetin vendor, jo vetëm me kryebashkiakët, por edhe me të gjithë këshilltarët. Asnjë këshilltar opozitar në 4 vjet në Shqipëri. Dhe ne e dimë shumë mirë se pushtet absolut do të thotë korrupsion absolut ashtu siç është e gjithë Rilindja në pushtetin vendor dhe jo vetëm. Ndaj nuk është koha për ndryshim, sepse koha e ndryshimit ka kaluar me kohë. Është koha për revolucion. Po çfarë revolucioni? Për revolucionin me votë. Po çdo të sjellë ky revolucion me votë? Do të sjellë përmbysje, do të sjellë përmbysjen e korrupsionit absolut dhe do të sjellë njëherë e përgjithmonë transparencë absolute, llogaridhënie absolute, për çdo kryebashkiak që do të zgjidhet dhe për këshillat bashkiake që do të mbrojnë interesin e qytetarëve. Ai autobuz atje është një shpresë e madhe jo thjesht për transportin falas çdo ditë për 200 mijë qytetarët e Tiranës, por ai autobuz është një shpresë e madhe se më në fund nuk do të vendosen taksa arbitrare për shërbime që kurrë nuk shkojnë tek qytetarët, por që shkojnë tek pronarët në kërkim ndërkombëtar të inceneratorëve që nuk ekzistojnë. Se më në fund do të ketë kryebashkiak që do të mendojnë e do të zgjidhin problemet më jetike të qytetarëve të Tiranës, të Durrësit, të Elbasanit, të Shkodrës e të gjithë Shqipërisë. Kandidatët të cilët po i bëjnë shërbimet e fundit një regjimi koha e të cilit ka përfunduar, ndaj motra e vëllezër të Tiranës e gjithë Shqipërisë, të vlerësojmë fuqinë tonë në demokraci. Kjo është vota, vetëm ajo bën ndryshimin e çel një perspektivë të re për të ardhmen. Të gjithë të shkojmë në votime për fitoren e kandidatëve tanë të mrekullueshme dhe gjeografia e fitores sonë do të jetë e jashtëzakonshme sepse kështu i kemi edhe kandidatët. Kemi zgjedhur personalitete, të përkushtuar për kauza të mëdha. Në krye të listët së Rilindjes për këshillit bashkiak, është një nënpunëse e Rilindjes që nuk e njeh askush. Ka firmosur mbi 1 mld euro buxhet të Tiranës që kanë ikur për rrush e kumbulla. Ka lekë për palma 3 mijë euro që thahen më shpejt se mbillen e për pisha të florinjta por nuk ka për studentët e pensionistët. Koha e nënvlerësimit të qytetarëve mbaron një herë e mirë më 14 maj.
