TIRANË– Kryetari i Partisë Demokratike Sali Berisha po mban fjalën e tij në hapjen e fushatës zgjedhore për vendoret e 14 majit. Berisha deklaroi se vendi i kryeministrit Edi Rama është para drejtësisë së bashku me ish-agjentin e FBI-së Charles McGonigal. Kandidatët e koalicionit “Bashkë Fitojmë” sipas Berishës janë alternativa më e mirë ndërsa shtoi se ata që janë përballë tyre janë “djaj” me shumë emra.
Sali Berisha: Kishim dhe kemi të metat, dobësitë e gabimet tona, por kurrë nuk krahasohemi me këta. Ne prisnim presidentin Bush, Rama krenohej me mikun nderuar McGonigal që e pret me padurim në sallën e gjyqit, në të njejtën qeli do përfundojnë. Kërkuan të nxjerrin Shqipërinë nga Arbitrazhi vetëm se i gjobit për shkeljen që kanë bërë. Janë të gatshëm të aplikojnë praktikat e izolimit të Hoxhës që ne kurrë s’do i pranojmë. Ne kishim gabime por ishin në ngritje. “Përpara me Edi Ramën” do të thotë poshtë e më poshtë. Ne nuk jemi njëlloj. Djalli ka shumë emra, ashtu janë edhe kandidatët e Ramës me shumë emra sepse nuk munden të nxjerrin krimet që kanë bërë dhe duan të mbulojnë të shkuarën. Me kurrë mbrapa” Rama mendon se mund të arkivojë të shkuarën e tij. Por nuk kanë ngelur shqiptarët që të përfaqësohen nga vrarës. Ne nuk jemi njësoj dhe dallojmë shumë nga njeri tjetri, për ne familja është e rëndësishme.
