OSLO- Sindikatat më të mëdha në Norvegji do të dalin në grevë sot, pas përpjekjes së dështuar për të lidhur një marrëveshje të re mes dy sindikatave kryesore të vendit.
Konfederata më e madhe e sindikatave të Norvegjisë, LO, ka njoftuar se 22,947 anëtarë të saj do të hyjnë në grevë. Të njëjtën gjë do ta bëjnë edhe 1441 anëtarë të një organizate të vogël, YS. Greva, relativisht e përhapur në vendin me 5.5 milionë banorë, prek sektorët e ndërtimit, transportit, prodhimit dhe hotelierisë, mbi të gjitha në kryeqytetin Oslo.
Negociatat mes dy sindikatave dhe shoqatës së punëdhënësve kanë nisur që nga e premtja. Dje të dielën, delegacionet e LO dhe YS njoftuan se refuzojnë propozimin e paraqitur nga një ndërmjetës. Sindikatat po kërkojnë një rritje të pagave këtë vit me 5% ose më shumë pasi inflacioni total norvegjez parashikohet në 4.9% për të gjithë vitin.
