TIRANË– Tridhjetë ditë pasi Drejtori i Përgjithshëm i Policisë së Shtetit Muhamet Rrumbullaku i pezulloi nga puna të 12-të shefat e strukturave vendore të krimit ekonomiko-financiar janë rikthyer në detyrë. Raportohet se pas hetimeve një mujore Drejtoria e Standarteve Profesionale nuk ka gjetur shkelje dhe parregullsi në kryerjen e detyrës së 12 shefave. Ata u pezulluan nga detyra për mospërmbushje të detyrave në luftën kundër evazionit fiskal dhe korrupsionit.
Pezullimi i tyre u bë një muaj më parë me firmën e kryepolicit Rrumbullaku dhe u deklarua se pezullimi do të zgjaste deri në hyrjen në fuqi të strukturës së re të policisë së shtetit, por nuk dihet ende nëse kemi një draft të hartuar nga ministri i Brendshëm Bledi Çuçi.
