TIRANË– Një grup banorësh të Roskovecit kanë paditur këtë të mërkurë në Prokurorinë e Posaçme Kundër Korrupsionit dhe Krimit të Organizuar (SPAK) kryetaren Majlinda Bufi. Banorët, të cilët kanë bërë dhe padinë pretendojnë se Bufi ka kryer abuzim në tendera. Përmes një deklarate për mediat kreu i Partisë Demokratike në Roskovec Emes Xhaxhaj është shprehur se bashkia është një nga më të rrezikuarat për të falimentuar pasi po shpërdorohen të ardhurat.
Emes Xhaxhaj: Një tender është për 24 milionë e të tjera për shuma të tjera. Janë për rikonstruksion rrugësh. Tani e pamë të arsyeshme për të bërë kallëzimin në SPAK. Shpresojmë që zonja Bufi të merret e pandehur pasi ka abuzuar me taksat e qytetarëve. Jemi një nga bashkitë me taksat me të larta, rrezikojmë edhe falimentimin, duam të dimë se ku shkojnë taksat e qytetarëve.
