TIRANË– Komisioni për Ankimime dhe Sanksione (KAS) ka rrëzuar kërkesën e bërë nga grupimi që mbështet deputetin Enkelejd Alibeaj për mos regjistrimin e kandidatit të Partisë Socialiste për bashkinë e Mallakastrës, Qerim Ismailaj. PD e Alibeajt në kallëzimin e tyre shpreheshin se Ismailaj është subjekt i dekriminalizimit por ky pretendim është hedhur poshtë nga KAS, që i ka dhënë dhe dritën jeshile kandidimit të tij në zgjedhjet vendore të 14 majit.
Indrit Sefa: Dispozitat ligjore pengojnë Qerim Ismailjan të kandidojë për Bashkinë e Mallakastrës. Në 2025 mund të kandidojë ky zotëria sipas ligjit, tani nuk mund të kandidojë dot. Duhet të kandidojë pasi të mbarojë 2-vjeçarin e ndalimit që parashikohet në ligj. Në 2022 doli falsifikator, u dënua në gjykatë. Ky nuk është për verifikim, ky është për tu ndaluar për të kandiduar. Është dënuar me 6 muaj burgim, në bazë të ligjit nuk duhet të kandidojë. Kur ti mbarojë periudha e ndalimit le të vijë të votohet.
