TIRANË– Partia e Lirisë e drejtuar nga Ilir Meta si drejtuese e koalicioinit “Bashkë Fitojmë” ka dorëzuar këtë të mërkurë në Komisionin e Ankimimeve dhe Sanksioneve (KAS) kërkesën për regjistrimin e emrit të Sali Berishës si drejtues i koalicionit.
“Në emër të koalicionit “Bashkë fitojmë”, si edhe të partive përbërëse të tij, ju informoj për efekt të pasqyrimit korrekt të të dhënave të koalicionit, në fletën e votimit sipas parashikimeve të nenit, 98 të Kodit zgjedhor, se drejtues i koalicionit është deputeti Sali Berisha”, thuhet në shkresën që mban firmën e përfaqësuesit të PL, Endrit Braimllari.
