TIRANË– Janë me mijëra qytetarë të Astirit, Mëzezit, Yzberishtit, Yrshekut dhe Kasharit që janë të detyruar të presin deri me orë të tëra për të marrë shërbimin e transportit publik, që jo vetëm nuk është në nivelin e duhur por as që i afrohet e tij.
Kjo e mërkurë ka shënuar kulmin e agravimit të pritjes për qytetarët të cilët për më shumë se një orë kanë pritur në stacion. Dhe pse sjellja e urbanëve të rinj elektrik që u reklamuan aq shumë pretendohej të rregullonte tranportin që prej vitesh është si mos keq asgjë nuk ndodhi.
Justifikimet janë të njëjta, trafik (A thua se ka vetëm në rrugën ku kalojnë këta), urbanët janë në rimont apo janë prishur ama qytetarët vijojnë të presin.
Ata i thanë gazetarit të Newszone se ky është një problem i përditshëm për ata që ikin në punë apo dërgpjnë fëmijët në shkollë.
Qytetari 1: Kam 1 orë këtu, 40 minuta kam pritur në mëngjes! Ne sikur punojmë 11 orë se gjysma e ditës na ikën në stacione.
Qytetari 2: Të zhduket si linjë, na i nxiu jetën.
Qytetari 3: Bashkia të marrë masa, se votën e duan. Kemi vite që vuajmë, kot që është si linjë! Na ikin fëmijët në shkollë me vonesë çdo ditë! 30 -40 minuta kanë pritur në shi. Turp.
Këta ishin vetëm disa nga zërat e qytetarëve që në shi dhe në diell presin me orë të tëra. Ky është një problem që duhet zgjidhur sa më parë, pasi siç shprehen qytetarët linja e Astirit vendoset gjithmpnë para fushatave elektorale e pastaj hiqet ndërsa Kashari është kthyer në makthin e çdo dite.
Përderisa taksat i paguajmë si qytetarë europianë të paktën të trajtohemi si të tillë. Newszone do e ndjekë këtë problematikë dhe do kërkojë informacion tek institucionet përgjegjëse/Newszone
