ITALI– Anila Ruci, 38 vjeçe me origjinë shqiotare është gjetur e pajetë pasditen e djeshme (më 19 prill) në shtëpinë ku jetonte në Scaldasole. Mediat italiane shkruajnë se ajo është gjetur me plagë thike në trup.
Trupi i gruas u gjet pak para orës 17:00, ndërsa jashtë shtëpisë, në via Piave, në qendër të qytetit Lomellina, u gjet i plagosur nga një thikë edhe baahkëjetuesi, Osman Bilyhu.
Ky i fundit është rreth të 30-ave dhe tashmë ndodhet në spital, por ka plagë të lehta.Bashkëjetuesin që arriti të dilte duke u tërhequr zvarrë nga pallati, e reja e kishte prezantuar me fqinjtë si vëllai i saj.
Alarmin për vrasjen e ngriti estetistja e fshatit me të cilën Anila Ruci kishte lënë takim. Kur u thërritën karabinierët, gjetën gruan të vdekur.
Autoritetet do ta marrin në pyetje Bilyhun për të përcaktuar versionin e tij të ngjarjeve. Karabinierët mbërritën në vendngjarje dhe rrethuan zonën dhe tani po hetojnë në përpjekje për të përshkruar dinamikën e saktë të asaj që ndodhi.
