LEZHË– Drejtori i Përgjithshëm i Policisë së Shtetit Muhamet Rrumbullaku ka zbarkuar këtë të enjte në Lezhë. Kjo vizitë vjen vetëm një ditë pas ekzekutimit të biznesmenit Ardian Nikulaj në ambientet e resortit të tij në Shëngjin. Deri më tani policia e Lezhës nuk ka ende asnjë person të shoqëruar në lidhje me ngjarjen apo një pistë konkrete. Mësohet se grupi hetimor ka mbledhur kamerat e sigurisë në zonën dhe rrugët përreth saj me qëllim kapjen e ndonjë detaji që të çon tek ekzekutori.
Ardian Nikulaj rezulton që të jetë pronar i disa bizneseve në zonën e Lezhës dhe i resortit “Coral” në bregdetin e Shëngjinit, vend ku dhe u vra. Nikulaj rezulton ta ketë ndërruar mbiemrin pasi në të shkuarën pasi më oparë ka mbajtur mbiemrin Marku. Më parë ka qënë edhe Ish-kreu i Aluznit e në të shkuarën ka qënë i dënuar për disa vepra penale. Ai rezulton i dënuar me 4 muaj burg, për prodhim dhe mbajtje të armëve luftarake dhe municioneve dhe për ‘armëmbajtje pa leje’. Ai ka qenë i dënuar në vitin 2003, dënim të cilin e ka deklaruar edhe në formularin e dekriminalizimit. Po ashtu ai ka qenë i angazhuar dhe në arenën politike në nivel qarku. Në zgjedhjet e shkuara ai ka qenë kandidat në listën e kandidatëve për deputetë në Partinë Socialdemokrate të drejtuar nga Tom Doshi. Nikulaj ishte i martuar dhe baba i katër fëmijëve.
