TIRANË– Një 22-vjeçare është zhdukur pa gjurmë në Tiranë. Denoncimin për zhdukjen e të resë në polici e ka bërë babai i saj i identifikuar me inicialet N.L banues në Burrel. Denoncimi është bërë tre ditë më parë në Komisariatin numër katër. Duke mos pasur asnjë kontakt me të ata u janë drejtuar autoriteteve.
Raportohet se sipas dëshmisë së dhënë nga babai i vajzës në 31 mars 2023 vajza përmes Rinasit niset drejt shtetit Italian për të bashkëjetuar me të dashurin. Familja e djalit nga Durrësi duket ka shprehur mos pëlqim për vajzën. Për këtë arsye ata i kanë prerë një biletë kthimi vajzës për në Shqipëri.
Pas këtij episodi bëhet me dije se e reja është nisur drejt Shqipërisë më datë 19 prill ku ka zbritur në aeroportin e Rinasit. Por që në atë moment asnjë nga familjarët nuk ka dijeni për vendndodhjen e saj.
