Barcelona kryen detyrën duke u rikthyer te fitorja në stadiumin Camp Nou përballë Atletico de Madrid, në takimin e vlefshëm për javën e 30-të të Kampionatit Spanjoll të futbollit.
Ishte një ndeshje që pritej me shumë kuriozitet nga tifozët si dhe ekspertët e këtij sporti.
Kuriozitet të madh gjithashtu kishte për të parë paraqitjen e polakut Robert Levandovksi, i cili në këto javët e fundit duket sikur e ka humbur instiktin e golit.
Atletico Madrid e vendit të tretë në renditje, vinte në Katalunjë me objektivin për të ngushtuar në dy pikë diferenmcën me Realin e Madridit, të gjendur një pozitë më lart se bardhekuqtë megjithatë, Xavi dhe banda e tij kishin objektiv marrjen e tre pikëve, të rëndësishme për sigurimin e titullit të La Ligas, që në Camp Nou mungon që nga viti 2019.
Dueli spektakolar, i zhvilluar në tempullin “blaugrana” u vendos nga goli i Ferran Torres në fundin e fraksionit të pare të lojës. Me suksesin e sotëm, katalanasit rikthejnë distancën prej 11 pikësh me rivalët e betuar të Real Madrid.
