Punëtorët në industrinë e naftës të Iranit po vazhdojnë një grevë për rritjen e pamjaftueshme të pagave në disa qytete në të gjithë vendin.
Pas rritjes së normës së inflacionit në Iran dhe hendekut të madh midis të ardhurave dhe shpenzimeve të familjeve, sindikata dhe grupe të ndryshme, duke përfshirë punëtorë, mësues dhe pensionistë, kanë nisur protesta dhe greva masive në javët e fundit.
Punëtorët në grevë në industrinë e naftës kanë kërkuar së fundmi një rritje me 79% të pagave të punëtorëve me kontratë në fabrikat industriale dhe joindustriale.
Qeveria e presidentit iranian Ebrahim Raisi ka ofruar një rritje prej 27% dhe është zotuar të frenojë inflacionin në vitin 2023.
Punëtorët në grevë e kanë hedhur poshtë këtë.
Ndërkohë, Agjencia iraniane e Lajmeve të Punës, ILNA, njoftoi një rritje prej 40% të çmimeve të mallrave dhe shërbimeve në muajin e parë të këtij viti.
