Bajer Leverkuseni mori tre pikët duke fituar 2-0 ndaj RB Leipzigut. Ky triumf e dërgon skuadrën e “Aspirinave” më afër zonës Champions.
Të besuarit e trajnerit Xabi Alonso kaluan në epërsi në fund të pjesës së parë me anë të Adam Hlozek, i cili falenderoi shokun e tij të skuadrës Diaby, autor i një asistimi preçiz.
Në pjesën e dytë, miqtë nga ish-Gjermania Lindore nuk u dorëzuan duke shkuar disa herë pranë barazimit por pa u treguar të saktë para portës së Leverkusen.
Në minutën e 86-të, Bayer 04 shënoi dhe golin e dytë, që de facto, mbylli krejt takimin.
Ishte hungarezi I Leipzig, Dominik Szoboszlai që shkaktoi një penallti duke u larguar me kartonin e dytë të verdhë, ai që “i dhuroi” tre pikët vendasve. Nga pika e bardhë, Amiri nuk gaboi.
Leverkusen tashmë shkon në kuotën e 47 pikëve, në vendin e 6-të, 4 pikë larg RB Leipzig.
