Manchester United ka arritur që të sigurojë finale e FA Cup,duke triumfuar në serinë e 11-metërshave përballë Brightonit të trajnerit italian Roberto De Zerbi.
“Red Devils”, po hasin vështirësi këtë sezon, shkak i dëmtimeve të disa prej titullarëve të repartit mbrojtës, me argjentinasin Martinez që ishte më i fundit që iu bashkua infermierisë.
Gjatë 120 minutave lojë, pati një baraspeshë të plotë për sa I përket tentativave në kuadratet respektive.
Një nga statistikat e pakta, që pa United fitues ishte ajo e kartonëve të verdhë, me “Djajtë” që u ndëshkuan plot katër herë nga arbitri. Nga ana tjetër, ishte Mitoma ai që mori paralajmërin disiplinor nga gjyqatri.
Në serinë e penalltive, diferencën e bëri vetëm March, i cili gaboi tentativën e tij. Kjo gjë, i dha mundësinë, mbrojtësit Lindeloff për të realizuar golin e kualifikimit.
Tashmë në finale, Manchester United do të përballet në derbi ndaj rivalëve të Manchester City, një sfidë që tifozët mezi presin ta shohin.
