TIRANË– Gjykata e Apelit në Tiranë ka lënë në fuqi vendimin e Gjykatës së Elbasanit për dënimin me 25 vjet burg për Astrit Sinanajn, i akuzuar për tentativë vrasje. Prokuroria fillimisht për Sinanajn kërkoi 30 vite burg, por gjykata vendosi për 25 vite. Këtë vendim të Gjykatës së Elbasanit, Sinanaj e apeloi në Gjykatën e Apelit, e cila sot konfirmoi të njejtin vendim.
Astrit Sinanaj më 6 maj të vitit 2017 i ka vendosur poshtë makinës 1 kg tritol C4 biznesmenit Fuad Verzivolli. Fatmirësisht lënda plasëse nuk shpërtheu. Sinanaj akuzohet për 4 vepra penale: “Vrasje me dashje e kryer në mënyrë të rrezikshme për jetën e shumë personave”, “Mbajtjes pa lejë të armëve shpërthyese”, “Shkatërrimit të pronës me eksploziv” dhe “Largimit i të burgosurit nga vendi i qëndrimit”.
