DURRËS– Turin e takimeve elektrorale këtë të hënë kryeministri Edi Rama njëherazi kreu i Partisë Socialiste e ka nisur në Durrës. Rama zhvilloi një takim me qytetarët në zonën e Porto Romanos ku dhe mbolli pemë. Sipas kryesocialistit dyshja Rama-Meta janë “zorra qorre” e Shqipërisë. Ai shtoi se “baca” duke iu referuar Berishës nuk është fare në fletën e votimit duke thënë se demokratët kanë vetëm “Like Floririn” duke iu referuar ish-bashkëpunëtorit të tij Ilir Meta.
Edi Rama: Ndryshimi vjen sepse është vota, përcakton se kë marrim në punë për interesa të përbashkëta. Nuk është e njëjta gjë se merr në punë për interesat e Durrësit Anin apo atë tjetrin. Ai mund të jetë djalë i mirë, por unë nuk kam asnjë problem me të. E para unë jam i martuar, e dyta, s’kam motër për të martuar. Dhe e treat nuk jam këtu për të bërë kushqi me djalin e mire sepse këtu çështja është, a ma bën punën apo jo. Jemi shumë pranë një marrëveshjeje të re. Do sjellim në Durrës një nga akademitë më elitare të futbollit të një prej skuadrave më të rëndësishme të botës, duam ta sjellim si pol të ri sportiv, akademi rajonale që do të jetë derë e hapur për talentet që do të duan të provojnë veten e do të zgjidhen për t’u përgatitur për arenën e madhe dhe për të veshur fanellat e skuadrave të mëdha europiane. Do të kemi një shkollë futbolli për fëmijët që do të jetë strukturë të veçantë.Edhe me dasht me bashkëpunu me ta, nuk dinë, plus edhe nuk duan e kompletohet e gjitha. Durrsakët s’duhet të shohin majtas e djathtas. Këto janë zgjedhje për të bërë më shumë punë. Kjo është zgjedhje. Nuk është a je me PS apo PD se nuk ka edhe me PD apo me atë zorrën qorre. Kjo është zgjedhje, me të ardhmen apo të shkuarën, do të shkosh përpara apo të kthehesh mbrapa. Deri pak vite më parë këtu gjendej një plagë e madhe e qytetit të Durrësit, fusha e mbledhjes së plehrave prej shumë dekadash, e cila ishte kthyer edhe në një skemë ku trupat e televizioneve të huaja vinin për të xhiruar e për të bërë kronika tejet të zymta për Shqipërinë. Sot është realitet 100% ndryshe, i transformuar nga një hapësirë ku kishte vetëm plehra dhe kafshë që vinin rrotull mes tymit në një hapësirë e cila së shpejti do të gjallërohet nga gjithë ata të rinj e të reja që kanë dëshirë të aktivizohen në sport por edhe nga familje në ditët e pushimit apo orët e pasdites që do të duan të kalojnë në një mjedis mes gjelbërimit dhe i patrazuar nga zhurmat e makinave. Pemët do të qëndrojnë pas shumë e shumë fushatave për t’i bërë hije tokës e për të shtuar përmasën e gjelbërt.
