TIRANË– Deputeti i Partisë Demokratike Ervin Salianji ka bërë këtë të hënë një deklaratë të fortë ku tha se mes Partisë Demokratike të drejtuar nga deputeti Enkelejd Alibeaj dhe kryeministrit Edi Rama ka një kompromis. I ftuar në emisionin “Kontrast” Salianji tha se këtë e fakton mënyra se si kandidatët e Alibeajt kanë zgjedhur të bëjnë fushatë. Sipas ata janë më të ashpër me Sali Berishën se me vetë Ramën.
Ervin Salianji: Sot ka koalicion të demokratëve. Duket që ka një bashkim të partive që kanë programe të ndryshme. Elektorati opozitar i ka zgjedhur dhe është te koalicioni Berisha-Meta ku ka kandidatë të opozitës. Brenda mund të ketë ngjyrime të ndryshme dhe retorika e përdorur nga drejtuesi i grupimit të vulës është më e ashpër me koalicionin se me Ramën. Duket se ka një kompromis me Ramën. Elektorati opozitar ka mençurinë të zgjedhë ku duhet. Në këto zgjedhje, vota e kandidatit është votë politike dhe është me emrin e tyre e s’duhet të bëjë ngatërresë. Nuk ka mbetur njeri pa i ditur elementët e fletave të votimit
