Ambasadorja e Shba-së, Yuri Kim gjatë një takimi në Asamblenë e Dhomës Amerikane të Tregtisë, u ndal edhe në reformat në drejtësi.
Ajo i dha një “shuplakë” qeverisë sa i takon klimës së investimeve, por dhe raporteve me amerikanët.
Nga ana tjetër, ajo i tërhoqi veshin qeverisë. Sipas saj, kur kërkohen rekomandime nga SHBA, ato duhet të zbatohen dhe to mos jenë thjesht për të larë gojën.
“SHBA ka mbështetur reformën në drejtësi dhe kjo reformë ka qenë e dhimbshme. Por reforma po jep rezultate. Qeveria të bëjë më efikase procedurat. Të çrrënjosë korrupsionin dhe të forcojë partneritetin me komunitetin amerikan. Nëse kërkoni rekomandime duhet të dëgjoni. Të kërkosh mendim nuk bëhet vetëm për gjest, por të prodhohen rezultate”, tha Kim.
Më herët ishte ambasadorja e BE ajo që ngriti po si shqetësim mungesën e klimës së investimeve në vend.
