TIRANË– Policia e Tiranës ka reaguar për incidentin e rëndë që ka ndodhur gjatë protestës së sotme ku u godit me grusht në fytyrë kryetari i Partisë Demokratike Sali Berisha nga 31-vjeçari Gert Shehu. Në njoftimin e saj Policia bën me dije se Shehu është një person me precedentë të theksua criminal pasi është akuzuar për plagosje, prishje të qetësisë publike dhe për trafikimin të lëndëve narkotike. Policia bën me dije se në bashkëpunim me Proikurorinë e Tiranës po punojnë për zbardhjen e plotë të ngjarje.
NJOFTIMI I POLICISË:
Në lidhje me incidentin e ndodhur në orën 12:25, në tubimin e organizuar ditën e sotme, gjatë të cilit shtetasi G. Sh. goditi me grusht, deputetin S. Berisha, ju bëjmë me dije se: Specialistët për Hetimin e Krimeve të DVP Tiranë po kryejnë veprimet procedurale për shtetasin G. Sh., 31 vjeç, banues në Tiranë, për veprën penale “Goditje për shkak të detyrës”. Nga verifikimet paraprake rezulton se 31-vjeçari ka precedentë të mëparshëm kriminal, për plagosje, prishje të qetësisë publike dhe në fushën e narkotikëve. Gjithashtu, sipas diagnozës klinike, të vënë në dispozicion nga familjarët e tij, 31-vjeçari vuan nga çrregullime psikotike dhe trajtohej prej vitesh, për këtë. Hetimet po vijojnë, nën drejtimin e Prokurorisë së Tiranës, për të zbardhur plotësisht rrethanat e ngjarjes.
Kryetari i Partisë Demokratike Sali Berisha u godit me grusht në fytyrë nga 31-vjeçari Gentian Shehu gjatë kohës që po marshonte nga selia e PD drejt bulevardit ‘Dëshmorët e Kombit’ ku do bashkohej me protestuesit. Shehu ka ardhur në mënyrë të rrufeshme nga turma dhe goditi në fytyrë Berishën. Në këtë moment kreu i PD ka rënë në tokë ndërsa ai është neutralizuar nga trupërojat.
