GJERMANI– Një ngjarje e rëndë është regjistruar pak pas mesnatës së kësaj të marte në Reeperbahn të Gjermanisë ku pas një përplasjeje me armë zjarri në një qebabtore ka mbetur i plagosur një shqiptar. 31-vjeçari identiteti i të cilit nuk është bërë me dije ka qenë i ulur në tavolinë së bashku me një grup miqsh kur një makinë tip “Audi” me ngjyrë të zezë u afrua pranë lokalit dhe qëlloi me armë zjarri në drejtim të tij.
I riu shqiptar mori një plumb në bark dhe u shemb menjëherë në tokë, pa ndjenja. Ai është dërguar në klinikën “Shën Gjergji” nga miqtë e tij, ku mësohet se ndodhet jashtë rrezikut për jetën. Autorët janë larguar nga vendi i krimit dhe nuk kanë arritur të identifikohen. Policia ende nuk ka dhënë më shumë detaje në lidhje me ngjarjen dhe se me çfarë mund të jetë përfshirë i riu shqiptar që çoi në një sulm të tillë po0r dysho0het se lidhet me trafikun e drogës dhe mosmarrëveshjet në këtë biznes kriminal.
