TIRANË– Një 32-vjeçar rumun i identifikuar me inicialet A.C është vënë nën hetim nga policia pasi u kap në aeroportin e Rinasit me 18.500 paundë të padeklaruara. I riu, i cili rezulton me vetëbanim në Angli do të përballet me veprën penale “Mosdeklarimi në kufi i të hollave dhe i sendeve me vlerë”.
NJOFTIMI I POLICISË:
Rinas/Goditet një tjetër rast i mosdeklarimit të të hollave në kufi. Sekuestrohen si rezultat i kontrolleve të shtuara nga Policia Kufitare, 18 500 paund. Procedohet penalisht 32-vjeçari (shtetas rumun) që nuk i deklaroi në kufi, siç e përcakton ligji. Shërbimet e Policisë Kufitare Rinas, në vijim të kontrolleve të shtuara, të bazuara në analizën e riskut, për evidentimin dhe goditjen e paligjshmërive, në hyrje të RSh-së, kanë kaluar në vijën e dytë, për kontroll të detajuar, shtetasin rumun A. C. Gjatë kontrollit fizik, këtij shtetasi iu gjetën 18 500 paund të cilat ai nuk i kishte deklaruar në kufi, siç e përcakton ligji. Shuma e parave u sekuestrua në cilësinë e provës materiale. Materialet procedurale u referuan në Prokurori, në ngarkim të shtetasit rumun A. C., 32 vjeç, banues në Angli, për veprën penale “Mosdeklarimi në kufi i të hollave dhe i sendeve me vlerë”.
