LEZHË– Një javë nga vrasja e biznesmenit Ardian Nikulaj në ambientet e restorantit të tij në Shëngjin detaje të reja kanë dalë në dritë nga vrasja e bujshme që tronditi Lezhën. Raportohet se vrasësi i Nikulajt mund të jetë i moshës 30-40 vjeç me origjinë nga qyteti i Shkodrës. Këto dyshime të grupit hetimor përforcohen duke marrë parasyuh dhe itenerarin e ndjekur nga autori para dhe pas ekzekutimit të biznesmenit. Po ashtu ka dyshime të forta ser autori të ketë pasur akses në kamerat e soigurisë të restorantit “Coral” në pronësi të Ardian Nikulkajt pasi ai e dinte me ekzaktësi të plotë se i ndjeri ishte i vetëm në lokal në momentin që dhe u krye atentati ndaj tij.
Biznesmeni u ekzekutua me shtatë plumnba në kokë e trup mesditën e 19 prillit teksa konsumonte kafen në ambientet e lokalit të tij “Coral” në bulevardin e Shëngjinit, shumë pranë plazhit. Autori i maskuar me maskë anti-covid dhe skafandë ka hyrë në ambientet e restorantit nga dera e pasme dhe pasi e ka përshëndetur viktimën për tu siguruar mirë që bëhej fjalë për të njëjtin person e ka ekzekutuar duke e lënë të vdekur në vend. Më pas është larguar sërish nga dera e pasme ku kishte lënë dhe motorin e përdorur në krim. Në lokal në momentin e ngjarjes ka qenë banakieri dhe bashkëshortja e Nikulajt, e cila ndodhej në ambientet e kuzhinës ndërsa shumë pranë viktimës ishte vjehrri i tij. Deri më tani nuk ka asnjë pistë konkrete ku policia e Lezhës të fokusohet. Por një nga pistat më kryesore është ajo e gjakmarrjes pasi rezulton se Ardian Nikulaj është akuzuar vite më parë se është i përfshirë në vrasjen e dy pjestarve të familjes Balaj. Për këtë Nikulajt i është vrarë dhe një vëlla nga fisi Balaj. Ardian Nikuluaj ishte një person i angazhuar dhe në jetën politike përveç biznesit. Ai ishte anëtar i Këshillit Bashkiak të Lezhës, kandidat për deputet në listën e Partisë Social Demokrate të Tom Doshit në zgjedhkjet parlamentare të vitit 2021 dhe në zgjedhjet vendore të 14 majit synonte një karrige në Këshillin Bashkiak po nën siglen e Partisë së Doshit. Ai ishte i m rtuar dhe baba i katër fëmijëve.
