Moti i keq/ Tragetet e linjes Durrës-Bari mbi pesë orë vonesa

DURRËS– Moti i keq që ka përfshirë vendin prej ditës së djeshme ka shkaktuar probleme në portin e Durrësit ku ka pasur vonesa në nisjen e trageteve të linjës Durrës-Bari. Kapiteneria e portit raporton se era e fortë me drejtim veri-perëndim dhe deti me forcë mbi 6 ballë shkaktoi probleme me nisjen e trageteve gjatë mbrëmjes së kaluar. Bëhet me dije se dy tragetet me 750 pasagjerë në bordet e tyre kanë pritur rënien e shpejtësisë së erës dhe janë nisur me të paktën 5 orë vonesë, njëri rreth orës 03:15 dhe tjetri në 04:00 të mëngjesit të sotëm.