TIRANË– Një natë pas Prime-t të Big Brother Vip Albania opinionistja e këtij formati televiziv Zhaklin Lekatari ka rënë pre e një sulmi. Raportohet se makina e Lekatarit është sulmuar me gurë dhe i janë thyer xhamat teksa ishte e parkuar në një nga parkingjet tek stadiumi Dinamo. Policia ka mbërritur në vendin e ngjarjes dhe po punon për zbardhjen e saj.
Ndërkohë në fotot e publikuara nga “JOQ” shihet opinionistja që ngushëllohet nga një mikëshë e saj. Ndërsa vetë Lekatari nuk ka reaguar ende por në foto shihet e trishtuar për ngjarjen. Natën e mbrëmshme kishte një debat të fortë mes saj dhe Luiz Ejllit ku u përfshi dhe ish-banorja Kiara Tito. Nuk dihet ende nëse kemi të bëjmë me një sulm të ardhur nga opinionet e dhëna prej saj në Big Brother. Pritet që policia e Tiranës të dalë me një deklaratë zyrtare.
