TIRANË– Një 25-vjeçar i identifikuar me inicialet Xh.B është vënë në prangat e policisë këtë të enjte pasi akuzohet se ka ngacmuar seksualisht dy vajza. Po ashtu gjatë kontrollit fizik pas ndalimit të riut iu gjet një sasi lënde narkotike e llojit kanabis. Përmes një njiftimi për mediat blutë e kryeqytetit bëjnë me dije se i riu ka ngacluar seksualisht njl të mitur në ashensor ndërsa një tjetër vajzë, turiste të huaj e ka përndjekur deri në paekingun e një qendrevtregtare.
NJOFTIMI I POLICISË:
Tiranë. Finalizohet nga Komisariati i Policisë Nr. 1, operacioni policor i koduar “HARASSMENT”. Ngacmoi seksualisht dy shtetase, identifikohet dhe vihet në pranga 25-vjeçari. Sekuestrohet një sasi lënde e dyshuar narkotike kanabis, që iu gjet 25-vjeçarit, gjatë kontrollit fizik.
Specialistët për Hetimin e Krimeve të Komisariatit të Policisë Nr. 1, në vijim të punës për goditjen e paligjshmërisë në çdo formë të saj, pas kallëzimit të bërë nga një shtetase e mitur 15 vjeçe, se një shtetas i paidentifikuar e kishte ngacmuar atë seksualisht, në ashensorin e pallatit ku ajo banon, menjëherë kanë organizuar punën dhe kanë finalizuar operacionin policor të koduar “HARASSMENT”.
Si rezultat i tij u bë arrestimi i shtetasit Xh. B., 25 vjeç, banues në Tiranë. Nga veprimet hetimore ka rezultuar se 25-vjeçari ka ngacmuar seksualisht 15-vjeçaren, në ashensorin e pallatit, si dhe një shtetase të huaj, në parkingun e një qendre tregtare. Gjatë kontrollit fizik, shërbimet e Policisë i gjetën 25-vjeçarit, një sasi lënde të dyshuar narkotike kanabis, e cila u sekuestrua në cilësinë e provës materiale. Materialet i kaluan Prolurorisë, për veprime të mëtejshme procedurale.
