TIRANË– Ministrja e Ekonomisë dhe Financave Delina Ibrahimaj ka deklaruar këtë të enjte pas mbledhjes së qeverisë vendimin për nxitjen e punësimit tek të rinjtë. Sipas ministres çdo i ri nga 15-30 vjeç që është dhe mosha me papunësinë më të lartë që ka katër muaj pa punë do ti ofrohen programe dhe në fund një vend punëe. Po ashtu Ibrahimaj deklaroi se qeverisa synon që të fuqizojë bursen e Shqipërisë. Rënia në pikiatë e euros sipas Ibrahimajt nuk ka ndikuar tek kreditë por vetëm tek kompanitë që lidhen kontrata kohë më parë.
Delina Ibrahimaj: Sot, në Këshillin e Ministrave miratuam dy vendime. Në radhë të parë, miratimi i projektvendimit për programin e nixtjes së punësimit që lidhet me garancinë rinore. Kjo u drejtohet aftësimit të të rinjve nga 15-30 vjeç, brez që ka një papunësi më të madhe. Çdo i ri që ka katër muaj pa punë, do t’i ofrohen programe dhe një vend pune., E gjithë kjo do të bëhet në kuadër të bashkëpunimit të forneve të shtetit shqiptar dhe të BE-së. Më pas do tu gjendet një vend pune, për tre muaj e parë do të paguhen me 80% të pagës minimale, më pas me 100% të rrogës. Të rinjve do tu paguhet edhe transporti nëse banojnë më larg se dy kilometra. Prej shumë vitesh qeveria ka qenë ofruesi kryesor i bonove të thesarit dhe të obligacioneve. Miratuam një strategji duke i hapur rrugë zgjerimit të emetimit të obligacioneve. Synojmë të fuqizojmë bursën e Shqipërisë në mënyrë të kompanitë private dhe shtetërore të emetojnë tituj, bono dhe obligacione. Shqipëria prej shumë vitesh ka vendosur që të aplikojë një kurs këmbimi jo të fiksuar por të lirë. Kursi i këmbimit të lirë, në krizat e njëpasnjëshme që na është të kalojmë, ka qenë një stabilizues i funksionimit dhe të gjitha goditjeve që kemi pasur, Ka disa kompani që fitojnë dhe disa që humbin dhe kjo është pjesë e riskut të të bërit biznes. Kompanitë që kanë pasur humbje janë ato që kontratat i kanë lidhur shumë kohë më parë, para se të zhvlerësimi i euro. Ne analizojmë me kujdes çdo lëvizje. Kursi i këmbimit nuk afekton vetëm kompanitë eksportuese. Normat e interesit të kredive në euro kanë bërë që euroja të bëhet atraktive. Analiza bëhet në të gjithë fushat.
