SERBI– Ministri i Jashtëm serb Ivica Daçiç deklaroi këtë të enjte se politika e jashtme e Serbisë me siguri do të ketë korrigjime kur bëhet fjalë për disa vende, bazuar në votën e tyre të fundit në Komitetin e Ministrave të Këshillit të Evropës (KE) për kërkesën e Kosovës për pranim në KE.
Ivica Daçiç: A duhet të vazhdojmë të mendojmë se aleatët tanë të mëdhenj janë, për shembull, Mali i Zi, i cili as nuk abstenoi, por votoi për, apo Sllovakia dhe Greqia që nuk e njohin Kosovën, por abstenuan. Do të ishte mirë sikur të na shpjegojnë nëse diçka ka ndryshuar në politikën e tyre.
Sipas shefit të diplomacisë serbe askush nuk mund të votojë kundër Serbisë dhe më pas të thotë se është miku i tyre.
Ivica Daçiç: Dhe integriteti territorial i askujt nuk mund të jetë më i rëndësishëm se i yni, ka thënë Daçiq duke aluduar në abstenimin e Ukrainës me rastin e votimit për pranimin e kërkesës së Kosovës për anëtarësim në KE. Kushdo që dëshiron Serbinë si mike dhe aleate do të duhet ta dëshmojë këtë.
