LEZHË– Është zbardhur dëshmia e të dashurës së Edmond Haxhias dhënë për grupin hetimor të ngritur për zbardhjen e vrasjes së biznesmenit Ardian Nikulaj mesditën e 19 prillit në ambientet e restorantit të tij në Shëngjin. Para hetuesve ajo ka deklaruar se portugezi Ruben Saraiva, i cili është dhe ekzekutori i Nikulajt në fillim është dërguar në një hotel në Shëngjin që ishte shumë pranë restorantit të viktimës.
Më pas thotë vajza ai është dërguar në Shkodër. Sipas saj portugezi me banorët e fshatit Kakarriq fliste në gjuhën shqipër (pak fjalë që kishte mësuar) ndërsa me Edmond Haxhinë (djali i dajës i vëllezërve Lestakaj) që sipas policisë eshte dhe porositësi i vrasjes së biznesmenit portugezi fliste gjithmonë në gjuhën angleze. Në dëshminë e saj e dashura e Haxhias thotë se motorin e ka lerë ajo dhe e ka çuar në magazinën e shtëpisë së Edmondit.
Dëshmia e vajzës: Fillimisht portugezi është dërguar në një hotel në zonën e Shëngjinit, shumë pranë “Coralit”. Të nesërmen e kanë çuar në Shkodër. Motorin e kam blerë unë, e kam parë më vonë te magazina e shtëpisë së Edmondit në Kakarriq të Lezhës. Dy numrat me të cilët ka komunikuar Edmond Haxhia, janë regjistruar në emër të një vajze nga fshati Zejmen i Lezhës, e cila punon si menaxhere e një lokali në Tiranë. Portugezi përshëndeste gjithmonë banorët e Kakarriqit në gjuhën shqipe, por me Edmondin komunikonte në anglisht.
Vrasja e Ardian Nikulajt u zbardh ditën e djeshme. Sipas Policisë së Shtetit në rolin e ekzekutorit ishte portugezi Ruben Saraiva, ndërsa katër britanikë ishin vëzhgues. Ata janë identifikuar si: Harry Simson, Thomas Mithan, Steven Hunt dhe Harriet Bridgeman. I gjithë ekipi menaxhohej nga Edmond Haxhia, djali i dajës i vëllezërve Lestakaj.
Biznesmeni u ekzekutua me shtatë plumnba në kokë e trup mesditën e 19 prillit teksa konsumonte kafen në ambientet e lokalit të tij “Coral” në bulevardin e Shëngjinit, shumë pranë plazhit. Autori i maskuar me maskë anti-covid dhe skafandë ka hyrë në ambientet e restorantit nga dera e pasme dhe pasi e ka përshëndetur viktimën për tu siguruar mirë që bëhej fjalë për të njëjtin person e ka ekzekutuar duke e lënë të vdekur në vend. Më pas është larguar sërish nga dera e pasme ku kishte lënë dhe motorin e përdorur në krim. Në lokal në momentin e ngjarjes ka qenë banakieri dhe bashkëshortja e Nikulajt, e cila ndodhej në ambientet e kuzhinës ndërsa shumë pranë viktimës ishte vjehrri i tij. Deri më tani nuk ka asnjë pistë konkrete ku policia e Lezhës të fokusohet. Por një nga pistat më kryesore është ajo e gjakmarrjes pasi rezulton se Ardian Nikulaj është akuzuar vite më parë se është i përfshirë në vrasjen e dy pjestarve të familjes Balaj. Për këtë Nikulajt i është vrarë dhe një vëlla nga fisi Balaj. Ardian Nikuluaj ishte një person i angazhuar dhe në jetën politike përveç biznesit. Ai ishte anëtar i Këshillit Bashkiak të Lezhës, kandidat për deputet në listën e Partisë Social Demokrate të Tom Doshit në zgjedhkjet parlamentare të vitit 2021 dhe në zgjedhjet vendore të 14 majit synonte një karrige në Këshillin Bashkiak po nën siglen e Partisë së Doshit. Ai ishte i m rtuar dhe baba i katër fëmijëve.
