TIRANË– Po mbahet në Tiranë samiti i Bashkimit Europian BE-Ballkani Perëndimor. Para takimit mes liderëve, ata janë përshëendetur nga një concert i shkurtër nga grupi i valltarëve me këngë e valle shqiptare.
Një prej valleve që u performua në sheshin “Italia” ishte dhe “Vallja e Rugovës”, e njohur dhe e kënduar gjerësisht nga shqiptarët. Ndër të tjera teksti i kësaj kënge të njohur thotë “Hajde ta vallëzojmë vallen e Rugovës, deri te Molla e Kuqe kufiri i Kosovës”.
Liderët europianë që nga kancelari gjerman Olaf Scholz, presidenti frances Emannuel Macron e të tjerë liderë kanë shikuar bshfaqjen dhe kanë duartrolitur performancën. Ndërsa shefi i Lartë i Diplomacisë Europiane Jospeh Borrell shihet duke filmuar valltarët, teksa dhjetëra politikanë pjesëmarrës në Samitin BE-Ballkani Perëndimor, po rrinin bashkë për foton familjare. Presidentja e Kosovës duartroket e buzëqesh, ndërsa Vuçiç shfaqet indiferent, por sigurisht që kjo melodi është e njohur për të.
