Vetëm një çështje pasaportash e largoi Takefusa Kubo nga Real Madridi pas një sërë eksperiencash në La Liga që bënë më shumë se një anëtar të stafit të trajnerit të Carlo Ancelottit të besonin se japonezi ishte gati për sfidën për të zënë një vend në ekipin më të mirë në botë. Në vitin 2024 mund të ketë një ribashkim, por ka disa që duhen patur parasysh.
Që atëherë, 21-vjeçari anësor i majtë është rritur shumë nga eksperienca e fituar në një ekip si Real Sociedad ku Imanol Alguacil ka qenë çelësi i performancës së tij dhe ku ai ka shënuar tashmë gjashtë gola, si dhe shtatë asistime deri në këtë pikë të sezonit.
Drejtuesit sportiv në Valdebebas mendojnë se në pak më shumë se 12 muaj mund të arrijë shpërthimi i tij absolut dhe për rrjedhojë, momenti për ta përfshirë në një skuadër ku nuk do të ketë më kufizime për sa i përket kuotave jashtë BE-së.
Duhet theksuar se aziatiku mbërriti në Reale Arena në një marrëveshje të rënë dakord në shumën afër 7 milionë eurove ku Real Madrid nuk ka të drejtë riblerje sikur klubi e ka përdorur në të kaluarën me emra si Dani Carvajal.
Kubo pëlqehet gjithnjë e më shumë në kryeqytet dhe nëse i hapet dera për të pasur shërbimet e tij në verën e 2024-ës, më në fund mund të ketë atë mundësi në Concha Espina që ka fituar me mish e me shpirt.
