Newcastle United nuk ka treguar mëshirë në takimin e mbrëmjes së sotme, në Goodison Park përballë skuadrës së Evertonint duke fituar bindshëm me rezultatin e thellë 4-1. “The Magpies”, të motivuar për të siguruar sa më shpejt kualifikimin në fazën e grupeve të UEFA Champions League, nuk e vendosën aspak në diskutim fitoren përballë skuadrës nga qyteti i Liverpoolit.
Bardhezinjtë e zhbllokuan sfidën në minutën e 28-të me anë të Wilson, gol që e bëri më të lehtë ndeshjen për miqtë.
Vendasit barazuan rezultatin në minutën e 48-të por goli u anulua nga sistemi VAR. Në pjesën e dytë, nisi mini-festivali i golave, me Newcastle që në minutën e 72-të dysfishoi rezultatin, falë golit të brazilianite Joelinton. Dy minuta më vonë, bardhezinjtë trefishuan me golin e Isak.
Sudezi realizoi një super gol që gëzoi jashtë mase tifozët e ardhur nga veriu i Anglisë. Në minutën e 81-të, McNeil shkurtoi diferencën, për Evertonin por, festa e vendasve nuk zgjati shumë.
Pas një minute, Murphy shënoi dhe golin e katërt për Newcastle. Me këtë rezultat u mbyll kjo sfidë, me Newcastle që afrohet më shumë me objektivin Champions.
