“City station në Bulevardin e Ri”, Veliaj flet për terminalin e trenave

Kandidati i PS, Erion Veliaj i cili kërkon një mandat të tretë si kryebashkiak i Tiranës, ka sqaruar se në kryeqytet do hyhet me autobus nga lindja dhe perëndimi dhe autobusët nuk do të ndalojnë më tek terminalet në Qytet Studenti dhe tek Zogu i Zi.
Në emision “Opinion”, Veliaj tregoi edhe terminalin e trenave ku do të kryqëzohen sipas tij disa linja.
Për Tiranën u shpreh se do të ndërtohet një “city station” tek Bulevardi i Ri. Kjo sipas tij do të jetë shtylla e parë kurrizore e linjës hekurudhore. Veliaj u shpreh se synohet që të ndërtohen 3 stacione për ta risjellë sërish trenin në Tiranë.
“Ka filluar puna për terminalin e autobusëve, njësoj si terminali tek TEG-u. Praktikisht në Tiranë me autobus do hyhet nga Lindja dhe nga Perëndimi dhe do ndalojnë autobusët e rretheve aty, pra nuk do vijnë më te “Qyteti Studenti”, ose autobusët e linjës që kalojnë këtu. Stacioni i Trenit është jpesa që ishim me Belindën sot ku këtu praktikisht kemi 5 binarë, nga të cilët vetëm 1 binar ose një linjë do vazhdojë. Këtu bëhet fjalë për një terminal i cili kryqëzon disa linja. Ajo që do të ndodhë në qendër të Tiranës do të jetë ajo që quhet “City Station’ tek “Buevardi i Ri” për njerëzit që shkojnë në aeroport dhe që vijnë nga aeroporti, pasi është vetëm linja e parë. Shtylla e parë kurrizore, mbaron binari dhe kthehet prapë mbrapsht. Ajo që duam të bëjmë është që të kemi 3 stacione. 1 stacion tek “Josif Pashko”, një tek “Jordan Misja” dhe pastaj te fundi i Bulevardit për ta risjellë trenin sërish në Tiranë. Një nga projektet tona meqenëse po flasim për aeroportin, tani që është bërë Lumi, vetëm duke ndjekur trajektoren e Lumit, vetëm për 7 km dalim në Rinas dhe i kemi dhënë qytetit një mundësi tjetër tani. Do të jetë një rrugë sekondare”, deklaroi Veliaj.