TIRANË– Kryebashkiaku i Tiranës Erion Veliaj, i cili kandidon për një mandat të tretë në zgjedhjet vendore të 14 majit ka hedhur poshtë akuzat e bëra nga rivali i tij në garë Belind Këlliçi për një nga drejtorët e rëndësishëm të bashkisë së Tiranës. I ftuar në “Opinion” Veliaj i cilësoi si një “gënjeshtër të madhe” dhe deklaroi se për këtë çështje është bërë kallëzim për shpifje.
Kandidati i koalicionit “Bashkë Fitojmë” Belind Këlliçi akuzoi një ditë më parë Mariglen Qaton, ish-drejtorin e UKT-së tashmë në IMT se ka punësuar familjarë në bashki, ndërsa vëllai i tij dhe vjehrri kanë kompani që kanë marrë tendera prej 19 milionë Eurosh nga Bashkia e Tiranës.
