TROPOJË– Policia e Tropojës ka reaguar pas lajmit që u publikua në media për dhunimin e varrit të Fatmir Haklajt në Tropojë. Ishte motra e vëllezërve Haklaj, Zylfija ajo që me anë të një postimi në rrjetet sociale shpërndau dhe fotot nga dhunimi që i ishte bërë varrit të të vëllait. Përmes një njoftimi zyrtar blutë e Tropojës bëjnë me dije se nuk është dhunuar vetëm varri i Fatmir Haklajt por dhe dy varre të tjerë në varrezën publike të qytetit. Më tej policia bën me dije se po punohet për kapjen e autorit/ve.
NJOFTIMI I POLICISË:
Specialistët për Hetimin e Krimeve të Komisariatit të Policisë Tropojë referuan materialet në Prokurorinë pranë Gjykatës së Rrethit Gjyqësor Kukës, për veprën penale “Dhunimi i varreve”, dhe po vijojnë intensivisht punën për identifikimin dhe kapjen e autorit/ëve, pasi: Shtetas ende të paidentifikuar kanë dëmtuar pllakat e 3 varreve në varrezat publike të qytetit të Tropojës.
Ju po ngelshi tanë kohën në Kodër të varrezave tona se edhe të vdekur jau keni frikën a mos po çohen. Na e kena ditë që do t’i prishni dhe me qellim i kena punue me ditë të saktë kushë merret me këto punë. Hajrin ja pafshi punës.
