Ditën e sotme Torovica është goditur sërish nga rrëshqitjet e dheut, ku kësaj here një shkëmb i madh është shkëputur nga mali duke rënë në një zonë të banuar në afërsi të Shkëmbit të Kuq.
Nga shkëputja e këtij shkëmbi nuk ka pasur dëmtime ose të plagosur. Për banorët e Torovicës rënia e gurëve dhe shkëmbinjve nga mali është bërë e zakonshme për ta.
Por jo gjithmonë këto shkëputje shkëmbinjsh kanë kaluar pa dëme. Një rast i tillë ka përfundua edhe në viktima, pasi disa vite më parë nga rënia e një shkëmbi humbën jetën tragjikisht 3 pjesëtarë të një familje.
Banorët ndihen të rrezikuar dhe kanë frikë pasi ky fenomen është i vazhdueshëm ku nuk është marrë asnjë masë.
