Prej me shumë se 30-vitesh politika shqiptare vazhdon të jetë nën të njëjtën frymë, nën të njëtën gjuhë urrejtje.
Çdo ditë në Parlamentin shqiptar dëgjojumë ofendime nga më të ndryshmet, nga derrkuc, kriminel, fundërrimë, kukull.
Shumë prej debateve agravojnë deri në zënka fizike, madje edhe vrasje sic ka qenë rasti i Azem Hajdarit.
Një situatë aspak e zakontë, por ia që ndodh në skenën e “Tetatrit të Parlamentit Shqiptar”.
Dhuna verbale dhe gjuha fyese kanë qenë të pranishme prej vitesh në Parlamentin shqiptar”.
Në një retrospektivë, në Shqipërinë e viteve 1997, kishte një gjuhë urrejtjeje të theksuar, e cila degradoi gjer në plagosjen në korridorin e Parlamentit të deputetit të Partisë Demokratike, Azem Hajdari.
Deputeti i ndjerë i Partisë Demokratike, Azem Hajdari
Edhe në shekullin XXI, “gjuha e urrejtjes” mes palëve në Parlament ende nuk është sheshuar.
Në dhjetor 2017, mes kulmit të tensionit me opozitës dhe socialistëve, konflikti mes Edi Ramës dhe deputetes së LSI-së, Monika Kryemadhi, mori trajtat e personales. Ajo, pasi zbath këpucën, gjuan me të kryeministrin.
Pas përfundimit të seancës parlamentare të 12 prillit 2018, vërshuan titujt e shtypit të kohës: “Zbardhet Kuvendi” – deputeti i PD-së, Flamur Noka, nga foltorja, mes një debati të ashpër me kryeministrin Edi Rama, i hedh këtij të fundit miell në fytyrë.
Deputeti i PD-së, Flamur Noka, nga foltorja, mes një debati të ashpër me kryeministrin Edi Rama, i hedh këtij të fundit miell në fytyrë.
Një rast i ngjashëm, por në vend të miellit, do të përdorej bojë stilografi, do të përsëritej më 14 shkurt 2019 – deputeti i PD-së, Edi Paloka, nga foltorja e Kuvendit, kthehet nga kryeministri Rama dhe e spërkat këtë të fundit me bojë.
Deputeti i PD-së, Edi Paloka, nga foltorja e Kuvendit, kthehet nga kryeministri Rama dhe e spërkat këtë të fundit me bojë.
Të ashpra kanë qenë edhe debatet mes kryeministrit aktual të Shqipërisë Edi Rama dhe ish-liderit të PD-së, Sali Berisha, të cilat agravuan deri në përmendjen e familjes.
Salianji, pasi ka ofenduar Braçen, ka rendur drejt tij në kërkim të konfrontimit fizik.
Sipas sociologut
E gjitha situata e krijuar në Kuvend, është rrjedhojë edhe e kulturës dhe historisë sonë, mendojnë ekspertët.
Sociologu Gezim Tushi, pyetur nga “New Zone”, thotë se gjëndja linguistike, retorike e oratorike e saj, në gjuhën e politikanëve të pozitës dhe opozitës, është duke u degraduar deri në nivele alarmante.
Sipas socilogut ndikimi i kësaj gjuhe si refleks ngjitës ka filluar të ndihet në media dhe e reflektuar gjërësisht edhe në gjuhën komunikuese dhe dialogun neurotik tek publiku i gjërë.
“Nuk e di se politikanët tanë kanë nivelin e duhur dhe konceptin adekuat, për të kuptuar se forca dhe vlera e gjuhës politike si mjet komunikimi në shoqërinë demokratike është shumë e madhe. Duket që politikanët, shumica e tyre më sakt, nuk e kanë të qartë “përgjegjësinë e gjuhës politike”. Këtë të vërtetë e kupton kur përballesh me atë që po ndodh në politikën shqiptare, në të cilën ka shpërthyer “epidemia” e një fushatë gjuhësore politike banale, e shfrenuar, e dalë nga kontrolli etik, nga vetëpërmbajtja demokratike. Përgjithësisht politika jonë, tradicionalisht në tre dekada ka qënë e ashpër, jo tolerante nga pikëpamja fizike, konceptuale e gjuhësore. Sipas mendimit tim, artikulimi gjuhësor ka rënë kaq poshtë, gjuha e politikanëve të këtij vendi duket se ka precipituar në “fundin e lejueshëm saj”, thotë Tushi.
