TIRANË– Avokati i familjes Haklaj ka dhënë detaje nga dëshmia e dhënë nga motra e familjes Aishe Haklaj ditën e djeshme para prokurorve të Prokurorisë së Posaçme Kundër Koupsionit dhe Krimit të Organizuar (SPAK) ku qëndroi për më shumë se 12 orë. Pas daljes ajo u shoqërua nga një makinë policia për arsye sigurie.
Ndërkohë Beqiri në një intervistë në Report Tv ka deklaruar se dhe shtëpia ku ka qëndruar Aishe Haklaj është mbrojtur nga policia për shkak të frikës së ndonjë sulmi të mundshëm. Beqiri ka treguar se SPAK kishte marrë masa që asaj ti sigurohej jeta gjatë vizitës së saj në Tiranës. Haklajt akuzojnë liderin e Partisë Demokratike Sali Berisha si urdhërues të vrasjes së katër djemve të familjes, Halil, Shkëlqim, Fatmir dhe Ylli Haklaj.
Idajet Beqiri: Ka diçka serioze këtë radhë. Kam besim tek drejtësia më tha. U fut me shami dhe e maskuar nuk donte media! SPAK kishte marrë masa që ta shoqëronte ku do të rrinte dhe deri sa të ikte. Ishte një organizmin i përsosur edhe shtëpinë ku ka qëndruar mbrëmë është ruajtur.
