FUSHE-ARRËZ-Kryetari i Partisë Demolratike , Sali Berisha në një takim me qytetarët e Fushë-Arrëzit,mbështeti kandidatin Hill Currin.
Ndër të tjera Berisha hodhi akuza të forta kundër baxhankaut të Edi Ramës në lidhje me tenderat që ka shfyrëzëtuar.
“Të dashur qytetare dhe qytetarë, banorë të bashkisë së Fushë Arrësit, vëllezër e motra, zonja e zotërinj.
Së pari një përkulje me mirënjohjen më të madhe, nderimin më të thellë, para jush, burrave dhe grave të këtij qyteti dhe kësaj bashkie, për mbështetjen tuaj fisnike, për shpirtin tuaj liridashës dhe mbështetjen që i keni dhënë PD-së në çdo kohë. Mbetem pafundësisht mirënjohës ndaj jush.
Vij sot në këtë shesh dhe ju takoj me një kënaqësi të veçantë, por në dallim me të gjitha takimet që kemi bërë deri sot, për të paraqitur kryetarë bashkie e deputetë, sot unë vij për të paraqitur jo kandidatin tim, apo të kryesisë së PD-së, por për të paraqitur Hil Currin, kandidatin tuaj. Kandidatin e vullnetit tuaj të lirë, e votës tuaj, e dinjitetit tuaj.”, tha Berisha.
Më pas Berisha akuzoi baxhanakun e Ramës se po përdor tendera për përfitimee personale.
“Baxhanaku i Edit ka marrë 100 tendera, thjeshtra shkatërroi kompanitë, sepse fiton vetë çdo tender
Fran Tuci ka disa dosje, është famoz, ka disa dosje në prokurorinë e partisë, por në qoftëse i duket se po rëndohet, e ftoj të vijë këtu në këtë shesh, ta zgjedhë ditën dhe ju të gjithë burra e gra aty, bashkë me Hil Currin ti nxjerrin xhepat, të tregojë çdo gjë, çdo qindarkë që kanë, cila është origjina e tyre, çfarë do bëjnë për ju.
Por Fran Tuci nuk vjen, se nuk e lë Edi Rama e para, sepse po të dalë Frani me Hilën këtu, detyrohet të dalë edhe ai me Sali Berishën, dhe po të dalë ai me Sali Berishën i themi hajde njëherë të fillojmë pak me pasuritë. Ai në sarajet e Surrelit, Sali Berisha në një apartament si shumica e qytetarëve prej 32 vitesh.
Ai me dhjetëra e dhjetëra tendera, njëlloj si ky Frani këtu, që edhe nëse nuk ja fiton i vëllai, ja ndërmjetëson i vëllai ato tenderat. Edhe Edi e ka baxhanakun famoz, baxhanaku i Edit që ta dini ju, fiton absolutisht mbi 100 tendera. E kanë privatizuar.
Por jo vetëm baxhanaku, por edhe thjeshtra i shkatërroi të gjitha kompanitë e projektimeve sepse thjeshtra ka krijuar një kompani vetë dhe është lidhur me një kompani të huaj, e ajo e huaja i fiton të gjitha tenderat dhe merr nënkontraktore thjeshtrën e Edi Ramës”përmbylli Berisha.
