BELSH– Kryeministri Edi Rama turin e tij të takimeve elektorale në kuadër të zgjedhjeve vendore të 14 majit e ka zhvendosur në Belsh ku ka prezantuar kandidatin e Partisë Socialiste për këtë bashki. Gjatë fjalës së tij nuk munguan “sulmet” ndaj kandiadtit të koalicioonit “Bashkë Fitojmë” ndërsa shtoi se qeveria ka rritur pagat dhe pensionet.
Edi Rama: Kjo është një ambicie që ne do ta realizojmë patjetër, se Bleshi duhet të jetë pasqyrë e një bujqësie të re. Jo prodho e pastaj rri e prit se kush do ta blejë. Pastaj secili sipas sasisë merr të ardhurat e veta, këtu secili fiton sipas tokës dhe të ardhurave të veta. Tjetra që ka shumë rëndësi është rritja e pagave, që është rritje historike, do tërheqë shumë fort edhe sektorin privat. Do arrijë deri në 900 euro pagë mesatare. Kemi rritur pagën minimale, në 40 mijë lekë, do ta cojmë në 45 dhe pa e çuar në 60 nuk e kemi bërë detyrën. Nuk e kemi pasur të lehtë, tërmeti na detyroi që shumë projekte ti linim për më vonë. Pandemia na bëri që të shtyjmë gjëra për më tutje. Unë se di kush është ky i dominsh, po dy zara është kjo, dy njerëz që hedhin zara, kapin ca të kapin. Nuk ka lidhje me këto që flasim ne. Po nuk mund të luajë domino kryetari i bashkisë. Si mund ta lësh fëmijën në dorën e një kryetari dominosh?.
