Nga Florida Muja
Në prag të fushatës elektorale, në botën e politikës çdo detaj merr rëndësi. Një rol shumë të rëndësishëm luan edhe gjuha jo-verbale, siç është mimika, gjestet apo gjuha e trupit.
Ka elementë të kësaj gjuhe të cilët ndikojnë pozitivisht ose negativisht në të kuptuarin apo percjelljen e mesazhit.
Gjuha e trupit është një e fushë e hulumtimit është që u prezantua për herë të parë në vitet 1960-të.
Eksperëtë e komunikimit e kanë konsideruar shumë të rëndësishme duke i dhënë peshë më shumë se vëtë fjala.
Por si duken politikanët shqiptar? Për të mësuar më tepër rreth kësaj kemi pyetur eksperten e komunikimit Helena Halilaj, për “NewsZone”.
Intervista
- Përshëndetje, faleminderit që pranuat të flisni për “NewsZone”. Si duket kryeministri i Shqipërisë gjatë kësaj fushate elektorale nën syrin e ekspertëve të komunikimit? Sa vëmendje po merr ai përmes gjuhës së trupit dhe marketingut që promovon?
-Rama është karizmatik, postura fizike(gjatësia)e ndihmon të marrë vëmendje. Mundohet të thotë atë që audienca kërkon, pra di ta lexojë elektoratin. Dhe fjalimet i shoqëron me gjeste që përforcojnë fjalët që thotë, pra i ka në sinkron. Gjërat që thotë i beson, ose i shfaq në një formë të tillë që të krijojë besim te ata që e shohin. Është autentik në sjelljen e tij, ndaj dhe shumë që e kopjojnë nuk dalin mirë.
2-Çfarë mund të na thoni për Sali Berishën?
-Berisha i ka qëndruar besnik tonit të tij të zërit, dialektit, postures serioze.
Kjo e bën atë të identifikueshëm dhe të plotë si figurë, s’e ngatërron dot me të tjerë.
Ka konsistencë në vijën e qëndrimeve të tij. Edhe nëse del një ngjarje e re, audienca e di pak a shume çfarë qëndrimi do mbajë ai.
3-A ka të përbashkëta Zoti Berisha dhe Zoti Rama?
-Të dy kanë gjuhë trupi ftuese, popullore, afruese, që i bën të kenë ndikim më të madh te audienca. Kanë normal dhe eksperiencën.
Të dy besojnë te kauza dhe argumentet që thonë, e kanë brendësuar(s’ka rëndësi nëse është e mirë apo jo), por te audienca përçojnë vërtetësi.
4-Ilir Meta është një prej politkanëve që luan shumë më gjuhën e trupit, si shihet ai dhe si duke nën syrin tuaj?
-Meta nuk është shumë ekpresiv, apo që të flasë në mënyrë pasionante për të ndezur audiencën, apo që të sinkronizojë gjestet me atë që po thotë.
5-Erjon Veliaj është një tjetër politikan që i kushton shumë vëmendje veshjes, gjuhës së trupit dhe mesazheve që po përcjell, sa avantazh mendoni që ka përmes kësaj gjuhe këtë përiudhë?
–Veliaj fokusohet shumë te detajet e imazhit, veshja, gjestet që bën, përqafimet, fotot me fëmijë, batutat me të rinjtë ose me të moshuarit. Nuk është autentik në terma njerëzore, se është shumë i strukturuar në ato që thotë e bën.
6- Ç’mund të na thoni për kundërshtarin e tij Belind Këllici?
-Belindi ende nuk ka dalë nga kornizat, pra që të ketë një identitet të formësuar si politikan dhe të flasë me bindje për çfarë do të bëjë,arrijë në politikë. Do të duket si popullor, por nuk i përshtatet shumë ai stili që zgjedh, që flet si çun i ri, me shprehje apo batuta që mund të bëhen edhe lajm. E ka të sforcuar, nuk e ka pjesë të karizmës së tij.
Ka tre stile të karizmes; pushteti, ngrohtësia dhe prezenca. Pushtetin e kanë Rama dhe Berisha(jo tani si pushtet vendimarrës, por e ka pasur dhe normal e ka brendësuar edhe tani që s’është në pushtet).
Belindi nuk e ka ende asnjëren prej këtyre opsioneve, por mund të punojë me këtë të fundit, që të transmetojë ngrohtësi dhe afrimitet te elektorati (Pra,Unë jam këtu për Ju
