TIRANË– Familjarët e Fatmir Sulovarit dhe Leonard Kranisqit po protestojnë këtë të martë para Drejtorisë së Përgjithshme të Policisë pasi kërkojnë gjetjen e trupave të të afërme të tyre, të cilët prej një muaji janë zhdukur pa gjurmë. Ata zhvilluan një takim dhe me kryepolicin Muhamet Rrumbullaku, i cili i ka garantuar se do të rinisin hetimet por nuk u ka dhënë më shumë detaje.
Vëllai i Fatmir Sulovarit: Do fillojmë së shpejti tha ai. Nuk më dhanë shumë shpjegime, jemi në rrugë, po vazhdojnë hetimet. Nuk më dha shumë shpjegime, ia kemi lënë në dorë. Do rinisin kerkimet. Vëllai i madh jam unë. Tani do ta ndërpresim protestën se u sqaruam. Me datën 6 kam kontaktuar për herë të fundit, ishte shumë i qetë. Nuk kemi pasur probleme. Deri në këtë pikë, se të vogla kemi pasur. Nuk kemi dyshime se nuk kemi konflikte. I morëm të gjitha pajisjet. Leonardin e ka pasur të njohur ai, nuk ishin të ngushtë, nuk i thua do shok. Me 6 maj do jemi prapë këtu.
I afërmi: Kamerat sipas tyre nuk funksiononin, 7 ditë humbën kohën. Ata u kanë gjetur vendin. Kjo histori mori përmasa ditën e 10 dhe 12. Nëse shteti ka dashamirësi ta bëjë thjesht, të paktën të flasin privatisht të qetësojnë familjet. Shanset janë zero. Dyshimet janë tek prona që u shit dy herë, mund të jetë nxitje nga njerëz të dytë apo të tretë. Kanë thënë hiqeni qafe se me një person të tillë s’merreni dot.
1. Leonard Theodhori, 46 vjeç i njohur si “Koçole”. I dënuar disa here. I dyshuar si pjesëmarrës në Masakrën e Qafë-Gjashtës në vitin 1997 ku u vra oficeri i policisë Gjergj Mehmeti. Në vitin 2003 ka qenë prezent ne automjetin që drejtohej nga Andrea Gjini para se ky i fundit të vriste biznesmenin Jaho Bajo. I arrestuar po atë vit për “moskallezim krimi” lidhur me një ngjarje tjetër të kryer nga Gjini. I arrestuar më pas per “vjedhje” e “mashtrim”. Përdorues i lëndëve narkotike dhe i dyshuar si i perfshirë në trafik lëndësh narkotike.
2. Fatmir Sulovari alias Fatmir Krasniqi, 46 vjeç. I dënuar më parë për “armëmbajtje pa leje” dhe “plagosja e lehtë me dashje”. I arrestuar ne prill 2022 ne Lushnje, pasi ne mjetin e tij “BMË” X5 u gjet nje sasi cannabis sativa e ndarë në doza gati për shitje.
