TIRANË– Vijon protesta para Drejtorisë së Përgjithshme të Policisë e familjarëve të dy 46-vjeçarëve nga Saranda të cilët prej rreth një muaji janë zhdukur pa gjurmë. Ata u kanë kërkuan institucioneve që të bëjnë detyrën teksa shprehen të sigurt se ata janë vrarë dhe janë groposur më pas në Vrinë. Në një takim që patën me Drejtorin e Përgjithshëm të Policisë së Shtetit Muhamet Rrumbullakut ky i fundit i ka garantuar se kërkimet për trupat do të rinisin por nuk u ka dhënë më shumë detaje.
Ndërsa familjarët duke folur për mediat kanë kërkuar që të bëhet drejtësi dhe se nuk kërkojnë asgjë tjetër veçse trupat e të afërme që të kenë një vend ku ti qajnë. Një prej familjarëve kishte një thirrje për kryeministrin Edi Rama, të cilit i ka kërkuar të “zgkodhet nga gjumi” dhe të lëvizë karrigen për zbardhjen e kësaj ngjarjeje.
Familjari: 26 ditë të mos gjesh dot një trup njeriu, janë gjetur gjëra më të mëdha. Hajde çohu Edi Rama, hajde ta gjejmë, çohu lëviz karrigen, çohu o kryeministër, o gjumash. E mban të fshehtë thua kryeministri? E mban. S’ka pasur kurrë konflikt, se vëllai nuk i binte njeriu në qafë, e as nuk i binin.
1. Leonard Theodhori, 46 vjeç i njohur si “Koçole”. I dënuar disa here. I dyshuar si pjesëmarrës në Masakrën e Qafë-Gjashtës në vitin 1997 ku u vra oficeri i policisë Gjergj Mehmeti. Në vitin 2003 ka qenë prezent ne automjetin që drejtohej nga Andrea Gjini para se ky i fundit të vriste biznesmenin Jaho Bajo. I arrestuar po atë vit për “moskallezim krimi” lidhur me një ngjarje tjetër të kryer nga Gjini. I arrestuar më pas per “vjedhje” e “mashtrim”. Përdorues i lëndëve narkotike dhe i dyshuar si i perfshirë në trafik lëndësh narkotike.
2. Fatmir Sulovari alias Fatmir Krasniqi, 46 vjeç. I dënuar më parë për “armëmbajtje pa leje” dhe “plagosja e lehtë me dashje”. I arrestuar ne prill 2022 ne Lushnje, pasi ne mjetin e tij “BMË” X5 u gjet nje sasi cannabis sativa e ndarë në doza gati për shitje.
