SHKODËR– Detaje të reja janë zbardhur nga vrasja e Petrit Vuksanit, 51-vjeç në lagjen “Tom Kola” në Shkodër. Raportohet se ekzekutori i tij është qiraxhiu i identifikuar me inicilaet L.K. Mësohet se ai i është futur në banesë dhe e ka qëlluar Vuksanin me breshëri automatiku duke e lënë të vdekur në vend. Pas ngjarjes ai është larguar me vrap në drejtim të paditur. Policia ka “blinduar” zonën dhe ka ngritur pika të shumta kontrolli.
NJOFTIMI I POLICISË:
Rreth orës 12:15, në lagjen “Tom Kola”, në rrethana ende të paqarta, në banesë, është vrarë me armë zjarri shtetasi P. V., 51 vjeç. Shërbimet e Policisë dhe grupi hetimor kanë shkuar menjëherë në vendngjarje. Janë ngritur pika kontrolli dhe po ushtrohet kontroll në zonë për kapjen e autorit të dyshuar. Grupi hetimor, në drejtimin e Prokurorisë, po vijon punën për sqarimin e rrethanave të ngjarjes, si dhe për sigurimin e çdo prove, me qëllim identifikimin dhe kapjen e autorit.
