BULQIZË– Kryeministri Edi Rama është ndalur në Bulqizë këtë të mërkurë ku po zhvillon turin e takimeve në kuadër të fushatës elekorale për zgjedhjet vendore të 14 majit. Nga Bulqiza Rama “shënjestroi” fort ish-aleatin e tij Ilir Meta, të cilën për të disatën herë e cilësoi si “Like Floriri”. Sipas kreut të qeverisë kur ai të afrohet duhen ruajtur xhepat.
Edi Rama: Kur thotë Likja duam transparencë. Që kur vjen Likja duhet të fusim duart në xhep dhe të mbrojmë zhepat. Like floriri, që ça nuk kemi bërë për ta kthyer Liken në rrugën e duhur.
Po ashtu fjalimi i Ramës nuk kaloi pa përplasje dhe me fëmijët. Kur kryeministri po fliste një fëmijë u dëgjua duke thënë “Rama ik”. Sipas këtij të fundit ai fëmijë do të përfundojë tek kromi kur të mbarojë së vrapuri për të marrë 1 qind lekshin për “punën” që bëri.
Edi Rama: Ja e tha ai ‘Rama ik’. Doli hudhra bërtiti ‘Rama Ik’,tashi vjen këtu bërtet e ikën me vrap merr 1 qind lekshin. Dhe kur prindërit e tij shkojnë votojnë për ata. Prap te kromi përfundon ai fëmija.
