TIRANË– Kur na ndajnë më pak se dy javë nga zgjedhjet vendore të 14 majit një mesazh I fortë ka ardhur nga Shtetet e Bashkuara të Amerikës. I Dërguari i Posaçëm i presidentit Biden për Ballkanin Perëndimor Gabriel Escobar ka deklaruar këtë të mërkurë se të votosh koalicionin Berisha-Meta do të thotë të bësh hapa pas. Përmes një komunikimi për Report Tv Escobar është shprehur se duhet parë progresi që ka bërë Shqipëria dhe prandaj duhet parë nga e ardhmja.
Gabriel Escobar: Për mua nuk e di pse njerëzit duhet të shohin mbrapa në të shkuarën për aq kohë sa mund të shikojnë drejt së ardhmes. Do të preferoja të mos komentoja shumë rezultatin zgjedhor, por dua të sjell në vëmendje progresin që ka bërë Shqipëria për këto 30 vite. Shqipëria ka ecur përhapa në integrimin eurtoatlantik dhe ka ngritur nivelin e besueshmërisë në arenën ndërkombëtare që kurrë nuk e ka pasur më parë, dhe ka shumë sfida që duhet të përfshihen në programimin e agjendën.
