Në një raport të publikuar së fundmi nga organizata UNICEF vë në dukje se rreth 640 milionë vajza, adoleshente dhe gra sot janë martuar kur ishin nën moshën 18-vjeçare. Sipas raportit, aktualisht, rreth 12 milionë vajza dhe adoleshente bëhen nuse çdo vit.
Gjatë 25 viteve të fundit, shkalla me të cilën ndodhin martesa të tilla është ngadalësuar. Në vitin 1997, 25 për qind e grave të reja të moshës 20 deri në 24 vjeç ishin martuar para moshës 18 vjeç. 50 vjet më vonë, kjo shifër kishte rënë në 23 për qind. Deri në vitin 2022, ajo ishte në 19 përqind.
Sipas raportit, të titulluar “A është i mundur fundi i martesës së fëmijëve?”, rënia u nxit kryesisht nga vendet si India.
“Vetëm në dekadën e fundit, gjasat e një vajze për t’u martuar në fëmijëri janë ulur me gati gjysmën, nga 46 për qind në 26 për qind,” thuhet në raport.
Nga të gjitha martesat e fëmijëve të shmangura në 25 vitet e fundit, 78 për qind ishin në Azinë Jugore. Ky përparim është nxitur kryesisht nga India, megjithëse rënie të dukshme janë parë edhe në Bangladesh, Maldive dhe Pakistan.
Megjithatë, ky rajon mbetet shtëpia e numrit më të madh në total i nuseve adoleshente, si rezultat i praktikave të vjetra dhe popullsisë së madhe të rajonit, shkruan televizioni Al Jazeera.
Azia Jugore, sipas UNICEF-it, ishte shtëpia e gati 45 për qind e të gjitha nuseve adoleshnet në botë. Raporti tha gjithashtu se Afrika sub-Sahariane ishte gjithashtu një shqetësim i madh, ku vajzat atje tani po përjetojnë rrezikun më të lartë të martesës së fëmijëve në botë.
