Nga 0-2 për Besëlidhjen në 3-2, ndërsa salla kryesore e Pallatit të Sportit “Asllan Rusi”, të enjten në mbrëmje është veshur me ngjyra bardheblu.
Mbi 3.000 vetë në pallatin kryesor të sportit në vend shijuan “remuntadën” e Tiranës, e cila ka fituar me 25 pikë diferencë ndaj Besëlidhjes së Lezhës në finalen e pestë për titull kampion.
89-64 shifrat përfundimtare në një ndeshje, e cila ka nisur siç I ka hije një finaleje, 50-50, pra me të dyja skuadrat të barabarta. Kjo baraspeshë ishte ama vetëm në periodën e parë, e cila ka fiksuar shifrat 21-21. Luhet pikë më pikë në periodën e dytë, por përsëri me fitoren e Tiranës, 17-20 dhe në pushim, ekipi I trajnerit Karaj ka qënë në avantazh 38-41.
Shkëputja e madhe ka nisur në periodën e tretë, që Tirana e ka fituar 25-13 duke thelluar në 66-51. E fundit 13-23 po për Tiranën, për të vulosur shifrat 89-64 dhe bardheblutë shpallen kampionë të Shqipërisë.
Julian Hamati është shpallur lojtari më i mirë i finaleve, kurse Redi Vogli ka ngritur kupën e 21-të të Tiranës në basketboll për meshkuj.
Sigurisht që ka patur dhe incidente dhe përplasje mes tifozerive, aq sa është dashur dhe ndërhyrja e forcave të rendit për qetësimin e situatë. Por në fund fitoi basketbolli me KB Tirana që u shpall kampione e Shqipërisë për sezonit 2022-2023 me trofeun që u dorëzua nga presidenti i FSHB, Avni Ponari.
